Foto ilustruese
Agim Hida është 46-vjeçari që u qëllua me tre plumba, dy prej të cilëve e kapën mbrëmjen e djeshme në Bathore. Atij iu bë atentat teksa po pinte kafe në një lokal. Autorët ishin dy dhe u larguan me motor duke humbur gjurmët. Hida ka marrë 2 plumba në këmbë. Ai ndodhet në spital dhe paraprakisht është shprehur se ka qenë errësirë dhe nuk i ka parë autorët.
Kush të qëlloi? Çfarë tha i plagosuri që “hëngri” plumbat në kafe në Tiranë
Në komisariat janë shoqëruar vetëm dëshmitarë okularë dhe persona që mund të kenë dijeni për ngjarjen. Policia nuk ka ende një pistë konkrete për ngjarjen, por verifikimet kanë nisur për të kaluarën e vëllait të tij, pasi disa vite më parë është akuzuar se ka kryer një vrasje në zonën e Yzberishtit në Tiranë.
Vëllai vrau në Tiranë! Dinamika-Kush është 46-vjeçari që u qëllua me tre plumba në kafe?
Por kush është Flamur Hida?
Vëllai i të plagosurit, Agim Hida është Flamur Hida i arrestuar dhe dënuar disa herë për disa vepra të rënda penale. Fillimisht në vitin 1998 akuzohet dhe u dënua se bashkë me persona të tjerë për vrasjen e biznesmenit italian Stefano Rossi. Flamur Hida i njohur me nofkën “Lenci” i Yzberishtit u arrestua 11 vite pasi ishte shpallur në kërkim për vrasjen e biznesmenit. Për këtë ngjarje, grabitje në bashkëpunim me pasojë vrasjen e italianit u dënua me 12.5 vite burg. Por nuk është vetëm ky vendim kundër tij, pasi gjykata e ka dënuar edhe për vjedhje, armëmbajtje dhe plagosje ndaj Aqif Lamit.
