Vetëm pak ditë më parë Emiliano Martinez portieri i Aston Villa-s dhe Argjentinës, fitoj titullin “Yashin” si portieri më i mirë në botë.
Një titull që shkaktoj jo pak polemika në botën e futbollit, nëse argjentinasi e meritonte këtë trofe ose jo.
“El Dibu” tashmë i njohur për arrogancën e tij në fushën e gjelbër, i ka dhënë një ndihmesë të madhe kritikëve të tij, duke realizuar një gafë fatale për ekipin e Aston Villa-s, në sfidën e kësaj fundjave përball Nottingham Forest.
Në një goditje thjeshtësisht të kontrollueshme të Orel Mangala nga jashtë zonës, portieri argjentinas bëri një hedhje të denjë për titullin që mban mbi supe por duke dërguar topin drejt portës së tij.
Një “gafë” e cila ju shtua disfatës së ekipit të tij në atë humbje 2-0.
Kaq ka mjaftuar që rrjetet sociale të shpërthejnë në kritika dhe ironi ndaj kampionit të botës.
“Portieri më i mirë në botë?” është shprehur shumica e komentuesve.
