Vetëm një natë para sfidës të së martës mes Milanit dhe Parisit e vlefshme për Ligën e Kampionëve, tifozët e dy ekipeve kanë vendosur të ndeshen dhe jashtë fushe.
Siç raportohet në mediat Italiane, rreth njëqind ultras kuqezi, të gjithë të veshur me të zeza, kanë sulmuar tifozët francez me bomba tymuese.
Ngjarja ka ndodhur në një nga rrugët kryesore të Milanos, ku ishin vendosur dhe tifozët parizien.
Karabinierët dhe policia kanë ndërhyrë në vendngjarje, në tentativë për të qetësuar situatën.
Bilanci është se kanë mbetur të plagosur disa tifoz francez, njëri prej të cilëve është transportuar në spital me kodin e kuq pasi është goditur 2 herë me thikë.