Deputetët e Partisë së Lirisë nuk janë parë krah atyre të PD-së së grupit të Sali Berishës në aksionet e fundit në kryesinë e Kuvendit ku ka pasur përplasje me Gardën. A është kjo një distancim që PL po bën nga dhuna apo një tërheqje nga aleanca? Kësaj pyetje të gazetarëve, Meta iu përgjigj duke deklaruar se Partia e Lirisë qëndron e vendosur për tre kushtet.
“Përgjegjës i kësaj krize të bllokimit total të Kuvendit me telekomandë është kryeministri. Partia e Lirisë qëndron e vendosur për komisionet hetimore, përfaqësimit të duhur të opozitës në komisionin e reformës zgjedhore, përmes përfaqësuesve që ajo zgjedh, jo atyre që zgjedh kryeministri dhe së treti bllokimit të nismave që ka iniciuar opozita në Kuvend” tha ai.
