U desh që të thyente këmbën vogëlushja 3-vjeçe që policia bashkë me ministrinë e Arsimit të ngrinin një Task Forcë për të kontrolluar të gjitha kopshtet në Tiranë dhe mbarë vendin.
Paraprakisht sipas burimeve mediatike, kanë rezultuar 45 kopshte të pa licencuara dhe pa dokumentacion të plotë, mes të cilëve 37 në Tiranë, 4 në Durrës, 3 në Lezhë dhe 1 tjetër në Gjirokastër.
Të gjithë janë referuar në prokuroritë përkatëse për veprën penale “Mospagimi i taksave dhe tatimeve”, në nenin 181 të Kodit Penal, i cili parashikon dënim nga gjobë deri në burgim në 3 vjet.
Në datë 1 Nëntor një fëmijë doli me këmbën e thyer nga një kopsht privat, i quajtur “Stinët” në zonën e “Ali Demit” që rezultoi pa licencë.
