Ministri i Jashtëm, Igli Hasani ka bërë me dije se Shqipëria është zgjedhur anëtare e Bordit Ekzekutiv të UNESCO-s për periudhën 2023-2027.
Hasani shkruan në postim se në një botë të ndarë nga kriza të shumta, kemi nevojë më shumë se kurrë të investojmë në paqe. Sipas tij, roli i UNESCO-s është më i domosdoshëm se kurrë.
“Një lajm i shkëlqyer vjen nga Parisi: Shqipëria sapo u zgjodh anëtare e Bordit Ekzekutiv të UNESCO-s për periudhën 2023-2027.
Falenderojmë të gjitha shtetet anëtare që na besuan këtë përgjegjësi të rëndësishme dhe presim të bashkëpunojmë ngushtë me të gjithë anëtarët e Bordit, në frymën e dialogut dhe konsensusit.
Në një botë të ndarë nga kriza të shumta, ne kemi nevojë më shumë se kurrë të investojmë në paqe. Roli i UNESCO-s është më i domosdoshëm se kurrë.
Mirënjohje ambasadores Besiana Kadare dhe stafit të MEPJ për punën e shkëlqyer,” shkruan Hasani.
Great news from Paris: Albania just got elected as member of the Executive Board of @UNESCO for 2023-2027.
We thank all the member states that trusted us with this important responsibility and look forward to closely cooperate with all members of the Board, in the spirit of… pic.twitter.com/YCohhR0VGK
— Igli Hasani (@IgliHasani) November 15, 2023
