Një 50-vjeçar ka ndërruar jetë në orët e para të mëngjesit të sotëm në unazën e Shkozetit, Durrës. Automjeti që drejtonte A. G., 32 vjeç ka përplasur një 50 vjeçar, ende të paidentifikuar, që lëvizte me biçikletë, i cili si pasojë e përplasjes, ka humbur jetën.
Drejtuesi i automjetit është shoqëruar në ambientet e Komisariatit për kryerjen e veprimeve të mëtejshme procedurale. Grupi hetimor po punon për sqarimin e rrethanave të aksidentit, si dhe për identifikimin e shtetasit që humbi jetën.
