Dhëndri i Sali Berishës, Jamarbër Malltezi me vendim të Gjykatës së Apelit sot u lirua nga qelia dhe do të qëndrojë në arrest shtëpie.
Për Sali Berishën nuk ka asnjë ndryshim, të dyja masat do të qëndrojnë në fuqi, detyrim paraqitje dhe bllokim për të dalë jashtë vendit.
“Së pari më duhet të them se nuk ka asnjë risi, në vendimet të cilat dëshmojnë kontrollin e plotë dhe total të sistemit të drejtësisë” tha Berisha.
Më tej, Berisha u ndal te aksioni opozitar. “Dy arsye bënë mbrëmë që Shqipëria të jehojë në titujt më kryesorë të medieve ndërkombëtare.
E para ishte ndeshja përmbyllëse e kombëtares në eliminatoret e Euro2024. E dyta ishte qëndresa e opozitës shqiptare në parlament kundër mobodiktaturës apo narkodiktaturës së Edi Ramës” tha ai.
