Ministri i Brendshëm Taulant Balla prezantoi sot Kryeinspektorin e ri të IKMT-së, Ervin Hoxha në një ceremoni ku morën pjesë drejtuesit qendrorë e vendorë të IKMT. Ministri kërkoi një plan të plotë kontrolli në çdo cep të Shqipërisë, kontroll që do të ketë mbështetjen e plotë të Policisë së Shtetit.
“Çështja e ndërtimeve pa leje mbetet një problematikë e mprehtë dhe fokusi duhet të jetë parandalimi, pa toleruar asnjë rast të ndërtimeve pa leje, pasi rastet nuk kanë munguar as në qendër të Tiranës”, tha Balla. Ervin Hoxha pason në këtë detyrë Agim Ismailin.
