Endri Shabani i Nismës Shqipëria Bëhet në emisionin 5 pyetjet nga Babaramo tha se problemi në Shqipëri janë 3 familje që kanë marrë peng vendin, duke atakuar Ramën, Berishën dhe Metën.
“Problemi nuk është vetëm PD dhe PS, por janë emrat, 2 njerëz, Rama dhe Berisha, prej tre dekadash. Në Angli sa bëra shkollimin, u ndërruan 6 kryeministra e kryetarë partish. Por këtu është një rrjet merimange, kanë kapur deri edhe universitetet. Janë tre familje që e kanë marrë vendin peng. Shoqëria shqiptare është gati për t’i dhënë fund kësaj. E harruan Fatos Nanon për një javë, ne duam t’i japim fund këtyre tre familjeve dhe ka ardhur momenti. Shqiptarëve u ka ardhur në majë të hundës me këto tre figura e familje. Ne luftojmë për shtresën e mesme”, tha Shabani.
