Një 62-vjeçar është arrestuar në flagrancë nga policia e Përrenjasit, pasi gjatë kontrollit fizik dhe kontrollit në banesë, iu gjet lëndë narkotike kanabis e ndarë në doza, të cilat ishin gati për shitje.
62-vjeçari me inicialet M.K., dyshohet se pasi ndante sasinë e kanabisit në doza, më pas i shiste në lagje të ndryshme në Përrenjas.
Ndër të tjera, pas kontrolleve në banesën e 62-vjeçarit, u sekuestrua lënda narkotike kanabis, një shumë parash e dyshuar që është përfituar nga veprimtaria kriminale dhe 3 celularë.
