Rita Ora mbërriti dje në Kosovë e shoqëruar nga bashkëshorti Taika Waititi dhe familja e saj.
Kjo është vizita e parë për regjisorin Taika Waititi në Kosovë, ndërsa bashkë me Ritën ai është pritur sot nga kryeministri Albin Kurti.
Ai dha përshtypjet e para për vendlindjen e gruas së tij ku thot se ndihet sin ë shtëpi.
“Është hera ime e parë këtu dhe jam i nderuar që vij të vizitoj atdheun e gruas time. Qëndrimi dhe energjia këtu shumë e ngjashme me njerëzit nga unë jam, kështu që ndihem si në shtëpi tashmë,”- u shpreh partneri i Rita Orës, për vizitën e tij në Kosovë.
Rita dhe Taika e kurorëzuan dashurinë e tyre në martesë në një ceremoni private para më shumë se një viti, por lajmin e konfirmuan vetëm pak muaj më parë, ndërsa vizita e tyre në Kosovë është për të festuar ditëlindjen e këngëtares.
