Tre raste vjedhjesh janë raportuar në orët e fundit në Tiranë.
Ngjarjet kanë ndodhur në zonën e Unazës së Re dhe po procedohen penalisht 4 persona të dyshuar si autorë.
Njëri prej tyre është S.P., 41-vjeç, nga ajo çfarë raporton policia ai ka vjedhur një shumë lekësh nga një shtëpi në rrugën “Foto Xhavella”.
Ndërkohë tre të tjerët janë të mitur të moshave 15-16 vjeç.
Tre të miturit, në bashkëpunim me njëri-tjetrin raportohet se kanë vjedhur produkte të ndryshme në dy biznese në rrugën “Teodo Keko”.
Nga policia dyshohet se ky grup mund të ketë kryer dhe vjedhje të tjera dhe po punohet për zbardhjen e tyre.
