Janë mbyllur hetimet nga Prokuroria e Tiranës për vrasjen e Edmond Papës, duke marrë të pandehur Albano Velo dhe Andrew Bode, të akuzuar si anëtarë të grupit që kreu vrasjen e biznesmenit nga Saranda.
Dy të pandehurit janë shokë të Aleksandër Sadikaj, i cili u vra me tritol në zonën e TEG.
Vrasja e Edmon Papës ndodhi në Tiranë në 16 dhjetor 2022, ndërsa pas krimit policia mundi të arrestojë Albano Velon, djalin e një ish-punonjësi policie dhe shpalli në kërkim Andrew Bode.
Krimi lidhet me një seri ngjarjesh të tjera të ndodhura në Sarandë, Tepelenë, Tiranë dhe Greqi, për shkak të përplasjeve mes anëtarëve të dy grupeve kriminale.
Vrasja e Edmond Papës u realizua 6 muaj pas ekzekutimit të Aleksandër Sadikaj.
