Ish-kryeministri Sali Berisha ka folur për mosbindje civile në aksionin opozitar. Por kur do të nisë, para apo pas festave? I pyetur nga gazetarët, Berisha tha se strukturat janë gati, por nuk dha asnjë datë.
“Dy momente mund të theksoj. Së pari është bindje universale se në Shqipëri është instaluar diktatura. Kjo është grusht shteti brenda shtetit. Së dyti ka një revoltë të madhe dhe strukturat janë gati kur t’u jepet sinjali. Nuk mund të them se do të jetë para apo pas festave” tha Berisha.
