Një sherr ka ndodhur në burgun “Koridhalo” në Greqi ku për pasojë kanë mbetur 2 të plagosur.
Sherri ka ndodhur mes një 28-vjeçari të burgosur të cilit nuk i dihet ende kombësia, i cili ka goditur me thikë në kraharor një të burgosur 56-vjeçar nga Shqipëria.
Sapo kanë parë skenën, të burgosur të tjerë kanë goditur 28-vjeçarin në kokë dhe trup duke e lënë edhe atë të plagosur.
Gardianët e burgut i kanë sekuestruar autorit një thikë dhe një celular të thyer.
Të dy të plagosurit janë dërguar në klinikën e burgut ku po iu jepet ndihma mjekësore.
