Dardan Cena ka fituar medaljen e bronztë në Kampionatin e Hapur Evropian të xhudos në Prishtinë.
Për vendin e tretë te xhudistës, Dardani mposhti moldavin Petru Pelivan. Ndaj tij fitoi në minutat shtesë, pas një lufte shumë të fortë.
Xhudisti fitoi me Ippon këtë përballje, ku përkrahja e tifozëve ishte e madhe. Ky është suksesi më i madh i Dardan Cenës deri më tani në karrierën e tij.
Në luftën e parë të repesazhit, Dardani e mposhti bullgarin Marko Hristov. Ndaj tij fitoi me Ippon, përkatësisht me dy aksione për uazari. /Telegrafi
