Në Serbi janë mbajtur zgjedhjet parlamentare, si dhe komunale në disa komuna përfshirë Beogradin.
Siç ka njoftuar “N1”, partia e presidentit të Serbisë Aleksandër Vuçiç SNS kryeson me 46.6%.
Bazuar në 65,1 për qind të mostrës së CeSID/IPSOS, partia “Serbia nuk duhet të ndalet” fitoi 46,6 për qind të votave, ose 129 mandate.
Në vend të dytë është “Serbia kundër dhunës” me 23 për qind ose 63 mandate.
Vendin e tretë e zë koalicioni SPS me 6.9 për qind ose 19 mandate. Koalicioni NADA fitoi 4.9 për qind ose 13 mandate.
Kryeministrja dhe anëtarja e Kryesisë së Partisë Progresive Serbe, Ana Brnabiç, ka folur pas mbylljes së votimit për zgjedhjet parlamentare dhe ato loakle në Serbi.
Në një deklaratë për mediat, Brnabiç shpalli fitoren duke thënë se partia e tyre do të marrë më shumë se 125 vende parlamentare
“Vetëm lista jonë do të ketë më shumë se 125 mandate parlamentare,” theksoi kryeministrja.
Branbiç hodhi poshtë akuzat e opozitës për parregullsi dhe blerje votash, dhe ndikimin e SNS-së te votuesit, dhe në të njëjtën kohë akuzoi partitë opozitare për shkelje të rregullave zgjedhore.
“Pastaj kanë gënjyer se nuk kanë kërkuar letërnjoftime në Vraçar. Të cilat janë të gjitha gënjeshtra brutale dhe gënjeshtra famëkeqe, lehtësisht të verifikueshme. Para së gjithash, kontrollorët e SNS-së nuk mund të ndikojnë në këto gjëra, dhe opozita kishte 80 për qind të kontrollorëve,” tha ajo.
