Këshilli i Mandateve ka vendosur sot “pro” kërkesës së SPAK për heqjen e imunitetit të Sali Berishës. Kërkesa u aprovua me 5 votat “pro” të mazhorancës të cilave iu shtua edhe aprovimi i Enkelejd Alibeajt në emër të Partisë Demokratike.
Kështu, Këshilli i Mandateve vendosi me një votim unanim për zhveshjen e Sali Berishës nga imuniteti që i siguron mandati i deputetit, për t’u vënë në dispozicion të drejtësisë. Në kohën që brenda po diskutohej imuniteti, jashtë Kryesisë së Kuvendit, Sali Berisha mblodhi një grup demokratësh për të protestuar kundër drejtësisë.
Për të analizuar atë që ndodhi sot, “5Pyetjet.al” zhvilloi një bisedë me gazetarin dhe analistin Mentor Kikia. Si e komenton Kikia deklaratën e Sali Berishës se nuk shkon në Këshillin e Mandateve përballë SPAK-ut për të mos lejuar poshtërimin që sipas tij duan ti bëjnë?
Roli i Gazment Bardhit dhe grupit të tij, që nuk ishte as në protestë dhe as në Këshill dhe çfarë do të ndodhë me Berishën? Më poshtë intervista e plotë me zotin Mentor Kikia.
