Ish-kryeministri i vendit Sali Berisha pak orë pasi Kuvendi vendosi për heqjen e imunitetit mblodhi kryesinë e partisë demokratike.
Ai tha se gjithsesi nuk do zmbrapset dhe se do e guxojë për të zmbrapsur Ramën.
“Në asnjë rrethanë ne nuk mund të zmbrapsemi, ne nuk do zmbrapsemi.
Por në kushte të reja, të diktuara në mënyrë të shpejtë do të thosha nga regjimi, natyrisht kërkohet një ripërshtatje e shpejtë e jona në këto kushte.
Kërkohet nga ne të bëjmë gjithçka që të jemi zëdhënës të atyre që guxojnë.
Edi Rama ka zhytur Shqipërinë, shoqërinë shqiptare në mbretërinë e frikës dhe frika është e njohur se përbën ndjenjën më qendrore në fiziologjinë e ndjenjave njerëzore.
Shpesh, thonë se ai fiton vota. Kjo nuk më rikujton asgjë tjetër veçse marsin e vitit 1991, ne, zona më e varfër, më e mjeruar, zona që jetonte në uri kronike prej vitesh, nuk na votoi.” U shpreh Berisha
