Ministrja e Turizmit, Mirela Kumbaro njoftoi sot taks forcën e re ku të gjitha subjektet turistike do përmirësojnë strukturën e ujërave ndotëse.
“Qeveria ka vendosur të realizojë një taksforcë të dedikuar për inspektimin dhe kontrollin, shëndetësimin e të gjitha subjekteve turistike për të përmirësuar strukturën e ujërave ndotëse, që shkarkohen në ujërat larës që mund të jenë në det, lumenj apo liqen, duke pasur parasysh strukturën akomoduese turistike janë të shtrira në këto zona.
Përmirësimi sipas agjencisë europiane të mjedisit krahasuar me vitet e shkuara është shumë i rëndësishëm, shumë i dukshëm në shifra. Ky është një proces me ndryshime, pasi me shtimin e turistëve, një pjesë e madhe këtyre lëvizjeve turistike qarkullojnë në strukturat e këtij shërbimi si bare, restorante, resorte apo hotele përgjatë ujërave larës.
Kjo është arsyeja pse ne kemi vendosur një taksforcë të tillë në bashkëpunim me të gjitha subjektet private dhe po ruajmë standardet me trajtimin e ujërave ndotës”, u shpreh Kumbaro.
