Siguria në Kosovë ka qenë kryefjalë e këtij viti që po mbyllet. Edhe në ditët e fundit të Dhjetorit ka pasur disa paralajmërime nga drejtuesit e shtetit të Kosovës, por edhe NATO për një eskalim të mundshëm të situatës.
Por a mundet Serbia, aq më tepër tani mes protestave ku ndodhet që të përsërisë një Banjskë të dytë, qoftë për të larguar edhe vëmendjen? Ish-anëtari i UÇK-së, Dritan Goxhaj i ftuar në “5Pyetjet.al” në një intervistë me “Skype” deklaroi se diçka e tillë nuk do të ndodhë pasi do të ishte një “vetëvrasje’ për Vuçiçin”.
“Nëse do të ndodhte një sulm i tillë në Kosovë nëse do të ndodhte do të ndodhte jo për destabilizuar Kosovën, por për problemet e tyre atje. Serbisë nuk i intereson. Pushteti do të paguante dorëzimin e pushtetit. Mbetet një frikë që mund të ketë “ujq të vetmuar” që mund të bëhen bashkë për të kryer ndonjë sulm për ndonjë hakmarrje nacionaliste, por jo diçka serioze.
Në logjikën politike të një personi ku ndodhet Vuçiç, shumë të vështira është vetëvrasje nëse do të shtynte një veprimtari të tillë në Kosovë. Por serbët mund ta sajojnë diçka të tillë” tha ai. Ai akuzon edhe kryeministrin e Kosovës për këtë situatë. “Kurti e ka përdorur këtë situatë dhe e ka kërkuar që të vijë në këtë derexhe” tha ai. Ndiqni intervistën e plotë më poshtë.
