Sot n ditën e fundit të vitit 2023, ministri i jashtëm Igli Hasani ka ndarë në rrjetet sociale një vido-mesazh ku flet për rrugëtimin e ekipit shqiptar në 2 vite si anëtar të Këshillit të Sigurimit në OKB.
Hasani njofton po ashtu se ai dhe ekipi i tij kanë mbyllur me sukses mandatin 2-vjeçar në Këshillin e Sigurimit, duke e cilësuar si një nga detyrat më impenjuese në politikën e jashtme.
“Dua të ndaj me çdo shqiptar kudo ku ndodhen nderin e pamasë se kemi përfunduar me sukses një nga detyrat më impenjuese në politikën e jashtme, mandatin 2-vjeçar në Këshillin e Sigurimit, në kohëra kaq sfiduese për mbarë globin,” thotë ministri nga salla e selisë së Këshillit të Sigurimit.
