Nga viti 2023 që po mbyllet kemi edhe shumë ngjarje të rënda kriminale që nuk janë zbardhur dhe misteri do të vazhdojë. Mes tyre është zhdukja e Ervis Martinajt dy vite më parë. Eksperti i kriminalistikës Ervin Karamuço në një intervistë për “5Pyetjet.al” thotë se veç biznesmenit të lojërave të fatit janë edhe katër të tjerë të zhdukur pa gjurmë. Por a mund të hedhin dritë mbi zhdukjet mesazhet që janë zbërthyer nga aplikacionet që ndodhen në duart e policisë?
“Në fakt lajmërimi për zhdukjen e Ervis Martinajt është diku një vit pasi është “thyer” SkyECC dhe nuk mendoj se do të ketë mesazhe që do të dalin. Por ato mund të hedhin dritë mbi konfliktet që mund të ketë pasur ky personazh.
Por nuk kemi vetëm këtë, por edhe dy personazhe të tjerë, një në Elbasan dhe një në Korçë që mund ta kenë vrarë, kemi edhe dy të zhdukur në Sarandë. Pra nuk është vetëm Ervis Martinaj. Janë disa personazhe me rekorde kriminale që ende nuk ka një përgjigje nga shteti se cili ka qenë dhe mbetet fakti i tyre” tha ai për “5Pyetjet.al”.
2023-shi hapi “kutinë”! Eksperti te “5Pyetjet.al”: 45 vrasje, zhdukje dhe pengmarrje
