Ka disa kohë që në media përflitet për një ndarje të mundshme të Princit Leka me aktoren Elia Zaharia. Mësohet se çifti ka nisur edhe procedurat e divorcit dhe se princi po shijon një romancë të re me fotografen Blerta Celibashi.
Elia në një farë mënyre ka konfirmuar ndarjen nga princi pasi ka postuar një foto urimi për Vitin e Ri në të cilën ajo ka pozuar vetëm me familjen e saj dhe pa praninë e Lekës.
‘Të dashur miq, ju uroj nga zemra Gëzuar Vitin e Ri 2024! Lutem për një vit sa më të mbarë për ju e familjet tuaja, një vit ku të mbizotërojë harmonia dhe toleranca, dashuria dhe falja, mirëkuptimi dhe shpresa! Uroj për çdo fëmijë në këtë natë ndërrimi vitesh, të ketë përpara një pjatë të ngrohtë, një dhuratë, dhe një përqafim plot dashuri!’- shkruan Elia Zahariakrah fotos.
Pak ditë më parë Leka u fotografua me fotografen në aeroportin e Budapestit.
