A do të vazhdojë Mbappé te PSG apo do të nisë një aventurë të re? Pyetja nuk është hera e parë që ngrihet dhe Christophe Dugarry, kampion bote me Francën në vitin 1998, i cili është pak i lodhur duke folur për të ardhmen e francezit.
“Kam përshtypjen se çdo gjashtë muaj është: ai qëndron, ai shkon… Kjo më shqetëson. Unë jam i lodhur nga kjo. Unë dua që Mbappé të nisë një projekt klubi dhe të mos jetë në një projekt personal.
Jam i lodhur duke dëgjuar muhabet për klubin e tij të ardhshëm çdo gjashtë muaj. Jam i ngopur. Nuk jam i interesuar, nuk jam më i interesuar“, tha ish-futbollisti në “RMC”, shkruan “Marca”.
Kontrata e lojtarit me PSG-në përfundon brenda pak muajsh, konkretisht më 30 qershor dhe ai do të duhet të vendosë se cili është hapi i radhës në karrierën e tij: nëse do të rinovojë me klubin francez apo do të ndryshojë skenë dhe do të nënshkruajë për një ekip tjetër. Për momentin, që nga 1 janari , ai është i lirë të negociojë të ardhmen e tij.
