“Shqipëria po kthehet në vendin e pensionistëve” kështu është shprehur deputeti i Partisë Demokratike, Dashnor Sula përmes një reagimi në rrjetet sociale.
Sula shkruan se Shqipëria e cila para pak vitesh mbante rekord për popullsinë më të re, sot ka më shumë pleq se të rinj në 8 nga 12 qarqe apo thënë ndryshe 50 nga 61 bashki.
“Kjo është një panoramë e zymtë edhe pse e paralajmëruar. Ndërkohë që mazhoranca dhe qeveria hedh çdo hap në shërbim të propagandës së saj dhe interesave elektorale. Pas 11 vitesh në qeverisje lajmëron se para zgjedhjeve për 2025 do të rris pagën për mësues, policë, mjekë e infermierë. Ndërkohë që në krye të 11 viteve janë me mijëra policë të larguar, mjekë të larguar etj” është shprehur deputeti Dashnor Sula.
