KAS pranon ankimin e Lefter Maliqit për shqyrtimin sërish nga KQZ për mandatin të Kreshnik Hajdarit. ‘KQZ të shqyrtojë sërish dhënien e mandatit të kryetarit të Bashkisë së Kuçovës. Shfuqizohet vendimi i Celibashit për verifikimin e thelluar të Kreshnik Hajdarit’- vendosi KAS.
Kandidati i koalicionit “Bashkë Fitojmë” në zgjedhjet e 14 majit të vitit të kaluar për kryetar të Bashkisë së Kuçovës Lefter Maliqi paralajmëron një padi ndaj kryetarit të Komisionit Qendror të Zgjedhjeve Ilirjan Celibashi.
“Mua më kanë penguar të bëj kallëzim ndaj Celibashit. Po tani do kallëzoj Celibashin. Edhe këto pak ditë, pasi në datën 10 është gjyqi për kallëzim të rremë ndaj Hajdarit, por kemi bërë edhe kallëzime të tjera për këtë peng të oligarkut Salillari. Nuk është ndonjë habi e madhe. Priteshin këto vendime gjysëm politike” tha ai.
