Mediat italiane shkruajnë se një shqiptar i kërkuar prej 13 vitesh është arrestuar në Napoli. Ai është Fasli Qibini i dënuar me mbi 22 vite burg për trafik ndërkombëtar droge.
64-vjeçari konsiderohet si ndërmjetës i Camorras-s në trafikun ndërkufitar të drogës dhe për këtë krim ai ishte shpallur në kërkim prej 2011.
Sipas hetuesve, ai menaxhonte dhe ndërmjetësonte trafikun e heroinës midis Shqipërisë, Greqisë, Turqisë dhe Italisë Jugore, ku bënte biznes me klanin “Di Lauro” dhe më pas me “Nardielli”.
