Në aksin nacional “Gjirokastër-Kakavije”, në vendin e quajtur “Sofratik”, policia ka arrestuar Ajdi Bizhjonin pasi transportonte emigrantë të paligjshëm kundrejt pagesës.
23-vjeçari me banim në Tiranë u kap në flagrancë teksa transportonte kundrejt fitimit, 2 emigrantë nga vendet e treta, të cilët synonin të kalonin ilegalisht nga Shqipëria, në vendet e BE-së.
Në cilësinë e provës materiale u sekuestruan automjeti tip “BMW” dhe 1 celular.