Sot bëhen dy vite nga përplasja e dhunshme mes demokratëve, mbështetës të Berishës dhe Bashës, e cila e ktheu PD-në në 8 janar 2022 në një shesh lufte.
Në një reagim në rrjetet sociale, demokratja Flutura Açka, drejton tre pyetje. “Kërkoni ndjesë kush ka për të kërkuar”, shkruan Açka, që e konsideron 8 janarin e vitit 2022 një turp.
“Në fakt 8 janari ynë është bërë për SPAK, sepse:
Nuk ka asnjë ndjesë në dy vjet. Por kam tri pyetje:
- Ku është fatura e 1700 hunjve ndaj demokratëve?
-
Ku është fatura e pagesës së keqbërësve me pagesë, të njëjtët që morën pjesë më 21 janar në anën e PS dhe sa herë në anët ku kërkohen si mercenarë, specialistët e levave dhe kokadashëve?
-
Ku është fatura për median që i kushtoi disa emisione shpërthimit të dyerve të blinduara (ftesë për dhunë të hapur), duke ftuar specialistë të fushës së shpërthimeve e levave kokës?
8 janari është TURPI ynë i ngrënë me bukë!
Dhe prapë, specialistët e tymit, flakës, dhunës flasin për demokraci.
Të paktën, kërkoni ndjesë! Kush ka për të kërkuar” shkruan ajo.
