Dita e Alfabetit të Gjuhës Shqipe, 22 Nëntori është vendosur ditë zyrtare pushimi, festë. Lajmin e konfirmoi ministri i Jashtëm i Shqipërisë, Igli Hasani. Ai tha se kjo është një ditë që i bashkon shqiptarët kudo që janë në rajon.
“Këshilli i Ministrave i propozon Kuvendit shtimin e Ditës së Alfabetit, si një nga festat tona kombëtare, është ditë me simbolikë të veçantë. Ajo që bashkon shqiptarët është gjuha. Në Kongresin e Manastirit zgjodhën të shkruajnë dhe të identifikohen nga kjo gjuhë e shenjtë. Kryeministri e njoftoi këtë fakt në Samitin e Diasporës”, tha ai.
