Provokim. Kështu e cilësoi kryetari i grupit të PD-së, Gazment Bardhi tentativën e Presidentit Bajram Begaj për të folur sot në Parlamentin e Shqipërisë.
“Jemi njoftuar nga media se Presidenti do të mbante një fjalë. Presidenti është njoftuar prej tre muajsh që Kuvendi ndodhet në këtë gjendje. Kanë nisur disa sesione parlamentare dhe presidenti nuk ka ardhur.
Akti i sotëm është një provokim i ulët i presidentit. I bëj thirrje të heqë dorë nga sjella si vartës i mazhorancës dhe të respektojë kolltukun ku është ulur.
Presidenti u soll si i verbër që nuk ka parë se cfarë ka ndodhur. Këtë s’e kam pritur kurrë nga Presidenti, që të bëjë të verbrin si Rama, që parlamenti është në normalitet” tha ai.
