Ka rënë zjarr gjatë natës në një apartament në katin e 9-të të një pallati në lagjen Apollonia në Fier. Deri më tani dyshohet se zjarri është shkaktuar si pasojë e një shkëndije elektrike.
Në banesë ndodhej vetëm një i moshuar i cili kishte probleme me shikimin por për fat të mirë zjarri është vënë re nga komshinjtë për shkak të tymit që u përhap në pallat dhe kanë ndërhyrë menjëherë për të shpëtuar të moshuarin.
Ndërkohë, menjëherë ne vendngjarje ka mbërritur policia dhe shërbimi zjarrfikës, i cili ka bërë të mundur shuarjen e zjarrit. I moshuari i cili jeton i vetëm ne banese u shoqërua me ambulancë për kontroll mjekësor. Si pasoje e zjarrit u shënuan dëme të vogla materiale.
