Mbrëmjen e sotme hotel “Rozafa” në Shkodër është përfshirë nga flakët duke krijuar një situatë alarmante tek klientët dhe stafi i hotelit.
Fatmirësisht në vendngjarje kanë mbërritur menjëherë forcat zjarrfikëse duke vënë nën kontroll situatën, deri më tani nuk raportohet asnjë i lënduar.
Sakaq, mësohet se për pasojë nuk ka pasur dëme të mëdha materiale përveç panelit elektrik, ndërsa të gjithë personat brenda godinës janë evakuuar.
Në lidhje me ngjarjen ka reaguar dhe policia, e cila me anë të një informacioni paraprak shpjegon se një shkëndijë elektrike mund të ketë shkaktuar zjarrin në katin e dytë të hotelit.
Tym dhe zjarr brenda hotelit në Shkodër, ja si është situata
Njoftimi i policisë:
Shkodër/Informacion paraprak
Rreth orës 21:15, në katin e dytë të hotel “Rozafa”, ka rënë zjarr, dyshohet si pasojë e një shkëndije elektrike.
Zjarrfikësit kanë bërë të mundur shuarjen e plotë të flakëve, nga të cilat janë shkaktuar vetëm dëme materiale.
Grupi hetimor, në drejtimin e Prokurorisë, po punon për zbardhjen e plotë të shkakut të rënies së zjarrit dhe për sqarimin e rrethanave të rastit.
