Zëdhënësja e Ministrisë së Punëve të Jashtme e Rusisë, Maria Zakharova deklaroi se Moska “dënon fuqishëm” planet e Shteteve të Bashkuara të Amerikës që t’i shesë sistemet antitank “Javelin” Kosovës. Kjo, sipas saj minon dialogun Kosovë – Serbi.
“Po flasim për çfarëdo përpjekje për të armatosur strukturat ilegale paramilitare të Prishtinës. Mospërfillja e të drejtës ndërkombëtare dhe dispozitave të Rezolutës 1244 të Këshillit të Sigurisë, tregojnë se Washingtoni dhe aleatët po minojnë përparimin e negociatave për çështjen e Kosovës dhe rrisin rrezikun për destabilizim si në provincë, ashtu edhe në rajonin e Ballkanit”, ka thënë Zakharova.
