Qarku i Dibrës është përfshirë nga reshje të dendura dëbore duke krijuar vështirësi në qarkullimin e mjeteve. Si pasojë, aksi rrugor bypass Qafë Murruzë, është bllokuar.
Borëpastrueset po punojnë për hapjen e aksit dhe lëvizja e mjeteve në drejtim të Tiranës do të kryhet nga aksi i vjetër Klos-Burrel-Shkopet.
Aksi rrugor Peshkopi-Maqellarë- Bulqizë i kalueshëm me zinxhirë. Peshkopi-Kala e Dodës – Kukës lëvizja e mjeteve kryhet me zinxhirë.
Qarku i Shkodrës gjithashtu është përfshirë nga reshje të dendura dëbore duke krijuar vështirësi në qarkullimin e mjeteve. Si pasojë, aksi rrugor Bogë-Qafë Thore, është bllokuar.
Borëpastrueset po punojnë për hapjen e këtij aksit. Aksi rrugor Kir-Mali I Shoshit i kalueshëm me zinxhirë. Aksi rrugor Pukë – Fushë Arrëz i kalueshëm me zinxhirë. Aksi rrugor Fushë Arrëz- Iballë është i bllokuar.
Fushë Arrëz – Qafë Mali – Fierzë- lëvizja e mjeteve kryhet me zinxhirë. Shërbimet e Policisë Rrugore ndodhen të gjitha në terren dhe apelojnë për drejtuesit e mjeteve që të mos qarkullojnë pa goma dimërore, pa mjete antirrëshqitëse, të tregojnë kujdes të shtuar në drejtimin e mjetit pasi ka prezencë akulli dhe të mos bëjnë manovra të rrezikshme në rrugë.
