Ditën e sotme (21 Janar) Shqipëria përkujton 4 protestuesit e vrarë para kryeministrisë më 21 janar 2011.
Aleks Nika, Ziver Veizi, Hekuran Deda dhe Faik Myrtaj mbetën të vrarë në protestat e janarit. Nga ajo ngjarje e rëndë kanë kaluar 13 vite dhe familjet e viktimave ende janë në kërkim të drejtësisë.
Sytë e thirrjet i drejtojnë te SPAK për vënë në vend drejtësinë e mohuar. Që urdhëruesit e zbatuesit të marrin dënimin e merituar.
Duke marrë shkas nga kjo datë e trishtë në kalendarin e historisë së Shqipërisë, kryeministri Edi Rama ka reaguar, ndërsa nënvizon faktin se duhet drejtësi për 21 Janarin.
“MIRËMËNGJES????????
#DREJTËSIpër21JANARIN??”, shkruan Rama.
Edhe pse kanë kaluar 13 vite nga ajo ditë familjarët thonë se ende nuk po shohin drejtësi për të afërmit e tyre. Më 21 janar 2011, opozita e atëhershme, sot në qeveri protestoi para Kryeministrisë. Protesta degradoi në dhunë dhe përplasje ndërsa nga brenda Kryeministrisë u hap zjarr duke sjellë edhe bilancin tragjik me katër viktima.
