Opozita nuk heq dorë nga tensionet në Parlament.
Pa kryetarin e grupit, Gazment Bardhi dhe deputetin Flamur Noka deputetët e fraksionit të Sali Berishës janë futur në sallë me pankarta në gjuhën shqipe dhe të huaj për t’u çuar mesazhin drejtpërdrejt, pa përkthim ndërkombëtarëve.
Një pjesë e deputetëve janë rreshtuar përpara foltores. Garda në këmbë përpara ministrave dhe në mes të dy kampeve. Përveç Bardhit dhe Nokës janë përjashtuar edhe Bledjon Nallbati me Asllan Dogjanin.
Në rendin e ditës janë 13 pika, por që seanca do të ketë të njëjtin fat si të tjerat dhe pritet që të mbyllet shpejt e shpejt pa diskutime.
