Një 59 vjeçar i dënuar me 6 vite burg për transportim të kundërligjshëm të emigrantëve nga Vendet e Treta është arrestuar në Berat.
Arrestimi i Agron Ymerajt, person i shpallur në kërkim u krye si rezultat i kontrolleve në kuadër të megaoperacionit “Sundimi i ligjit” dhe në bazë të informacioneve nga inteligjenca policore, informoi sot policia e Beratit.
Kolegji Penal i Gjykatës së Lartë e ka dënuar këtë shtetas, me 6 vjet burgim, për veprën penale “Ndihma për kalim të paligjshëm të kufijve”.
Agron Ymeraj do t’i dorëzohet nga shërbimet e DVP Durrës, Drejtorisë së Përgjithshme të Burgjeve, për të kryer pjesën e mbetur të dënimit, 8 muaj e 21 ditë burgim.
