Një sasi prej 105 kilogramësh drogë dhe më shumë se 676 mijë euro janë sekuestruar nga policia italiane që kishin në shënjestër një bandë shqiptare-rumune.
Guardia di Finanza informoi se banda që kontrollonte një linjë të trafikut ndërkombëtar të drogës ishte aktive dhe vepronte mes Firences dhe Pratos.
Që në orët e para të mëngjesit karabinierët kanë ekzekutuar 5 urdhra ndalimi ku 2 persona u arrestuan me burg dhe 3 të tjerë në arrest shtëpie.
Banda kriminale e përbërë nga rumunë dhe shqiptarë ishte e strukturuar në mënyrë të tillë që të kujdesej vetë për çdo fazë: nga furnizimi i lëndës narkotike, transporti, si dhe përpunimi i drogës deri te tregtia me pakicë.
Banda, siç ka dalë nga hetimet, ka demonstruar një stabilitet të fortë me kalimin e kohës, duke vazhduar të mbetet shumë aktive edhe pas disa arrestimeve të anëtarëve të saj, në raste të mëparshme. U sekuestruan gjithsej 5 kilogramë kokainë, 100 kilogramë marihuanë dhe hashash, 676 mijë euro cash, si dhe dy pistoleta dhe 500 gëzhoja të kalibrit 9×21.
