Kryetari i grupit parlamentar të PD-së, Gazment Bardhi ka postuar një mesazh nga vizita në Departamentin Amerikan të Shtetit, ku ka zhvilluar një takim me zv/ndihmës sekretarin, Gabriel Escobar.
Të pranishëm në këtë takim kanë qenë edhe përfaqësuesit e PS, Damian Gjiknuri, Pandeli Majko, Blerina Gjylameti, Denis Deliu dhe Ervin Bushati. Në postimin e tij në rrjetet sociale, Bardhi thotë se SHBA mbetet aleati kyç i Shqipërisë dhe shqiptarët janë me fat që i kanë në krah.
“Gjatë vizitës në Uashington DC, zhvilluam një takim në Departamentin e Shtetit me zv. Ndihmës Sekretarin Amerikan të Shtetit dhe të dërguarin për Ballkanin Perëndimor z. Gabriel Escobar. SHBA mbetet aleati ynë kyç dhe shqiptarët janë me fat që i kanë në krah.
Shqipëria si vend anëtar i NATO-s, duhet ti qëndrojë standardeve të një vendi demokratik dhe të punojë me vendosmëri për t’u bërë pjesë e BE”, njoftoi Bardhi.