Sot është mbyllur shqyrtimi gjyqësor për çështjen e kryebashkiakut të Himarës Fredi Beleri. SPAK do të japë pretencën në seancën e radhës e cila do të mbahet më 13 Shkurt në orën 14:00.
Avokati i Belerit, Eugen Gjyzari tha se i gjithë procesi është i parregullt dhe po tejzgjatet në mënyrë që çështja të mos shkojë në Strasburg.
Ai komentoi po ashtu edhe mbi dëshminë e specialistes në Drejtorinë e Burgjeve, Anila Paçe. Sipas avokatit ajo nuk ka qëndrueshmëri në deklaratat e saj para trupës gjykuese.
Ajo ka thënë se në rastin Beleri, në regjistrin e gjendjes gjyqësore rezulton i “Rehabilituar”.
“Në këtë rast KQZ ka bërë akses me shkrim ku kërkoi të dhëna për gjendjen gjyqësore dhe unë i kam dërguar të dhënat që është i dënuar“, ka thënë ajo.
