Një rast i rëndë i dhunës në familje është raportuar ditën e sotme në Ferizaj të Kosovës.
Siç raportohet nga mediat kosovare, një baba i moshës 61-vjeçare, me inicialet A.A., ka rrahur në mënyrë brutale vajzën e tij për shkak të disa mosmarrëveshjeve midis tyre.
Vajza ka marrë lëndime të shumta në trup dhe është dërguar menjëherë në spital për të marrë ndihmën e mjekëve.
Nga ana tjetër babai është shoqëruar për në komisariat ku dhe ka rrëfyer se zotëronte një armë zjarri pa leje, por nuk e ka përdorur asnjëherë.
