Gjatë 48 orëve të fundit 5 shoferë mjetesh kanë përfunduar në pranga. Kjo pasi përveçë se kanë shkelur rregullat e qarkullimit kanë tentuar të korruptojnë punonjësit e policisë për mos t’i ndëshkuar me gjobë.
Në pranga kanë rënë A. K., 39 vjeç, G. H., 30 vjeç, B. C., 20 vjeç, E. C., 50 vjeç dhe E. D., 40 vjeç.
Këta drejtues mjetesh, pasi u kapën me shkelje të rregullave të qarkullimit rrugor kanë tentuar t’u ofrojnë ryshfet punonjësve të Policisë së Shtetit.
Një prej të arrestuarve në flagrancë është edhe një shtetase, e cila pasi u kap në shkelje të rregullave të qarkullimit rrugor tentoi t’i japë ryshfet 500 mijë lekë të vjetra efektivëve.
