Kryetari i grupit të PD-së, Gazment Bardhi së bashku me Flamur Nokën, Bledjon Nallbatin dhe Asllan Dogjanin janë përjashtuar me nga 20 ditë për shkak të tensioneve në seancën e së hënës në parlament.
Kjo do të thotë se në seancën e radhës parlamentare nuk do të jenë 23 ligjvënës të PD të përjashtuar nga Kuvendi për shkak të bllokimit të seancave të mëparshme.
Katër deputetët që u përjashtuan sot i bashkohen listës së 19 të tjerëve që u dënuan pak ditë më parë.
Ditën e enjten pritet që të miratohen disa ligje me rëndësi si ai i rikthimit të lojërave të fatit, por edhe për Prokurimin Publik, i cili përveç përafrimit me legjislacionin e BE, ka si qëllim përdorimin e Inteligjencës Artificiale nëpër tendera.
