Gjatë fundjavës në rrugët e komunave veriore me shumicë serbe në Kosovë u panë disa grafite në të cilat shkruhej “Kur ushtria të kthehet në Kosovë” si dhe “Mbrojtja civile ju mbron”.
Grafitet kanë vënë në lëvizje institucionet e Kosovës të cilët tashmë janë duke e hetuar rastin.
“Prokurori kujdestar i Prokurorisë Themelore në Mitrovicë është njoftuar nga policia se në vende të ndryshme në Mitrovicë të Veriut, Zubin Potok dhe Leposapoviç janë hasur disa mbishkrime me përmbajtje të nxitjes së përçarjes ndër etnike.
Me urdhër të prokurorit rasti është kualifikuar si ‘Nxitja e përçarjes dhe mosdurimit’ dhe është duke u hetuar në koordinim me Policinë e Kosovës”, tha Valon Preteni, Prokuroria Themelore e Mitrovicës.
