Më 4 mars do të hapet baza ajrore në Kuçovë. Lajmin e konfirmoi Niko Peleshi nga Brukseli gjatë një takimi me ministrat e Mbrojtjes.
Peleshi deklaroi se Shqipëria po investon në mbrojtjen kombëtare, për blerjen e sistemeve të ndërlikuara ndërsa kanë në prioritet sistemin anti-dron dhe se pas datës 4 mars do të mbërrijë dhe flota e dronëve Bajraktar.
Për i përket portit të Porto Romanos, Peleshi tha se lobojmë që të ndërtohet me modelin e biznesit të bazës ajrore të Kuçovës.
“Baza ajrore e Kuçovës do të hapet me 4 mars, dhe portin e Porto Romanos duam ta fusim në këto plane.
Të gjitha këto janë reagime mbrojtëse por duke shkurajuar çdo ëndërr apo ambicie të Rusisë që kërcënojnë botën e lirë dhe demokratike. Shqipëria është kountribuese përmes misioneve të saj.
Jemi në 8 misione. Ne po investojmë për mbrojtjen tonë kombëtare, për blerjen sistemet e ndërlikuara, kemi vendosur në prioritet sistemin anti-dron.
Do të mbrojë infrastrukturën ushtarake dhe civile. Mbrojta kundër-ajrore është një sfidë për ne që jemi aleatë në NATO por që jemi pjesë e kontributit në paqen globale dhe në të gjithë operacionet e NATO-s”-tha ai.
