Si rrallë herë më parë Bayern Munchen regjistroi sot disfatën e tretë radhazi. Pas humbjes demoralizuse 3-0 ndaj Leverkusen, disfatës 1-0 në Champions përballë Lazios, Kampionët e Gjermanisë u mundën 3-2 nga Bochu ditën e sotme.
Musiala zhbllokoi ndeshjen, por bavarezët u përmbysën brenda pjesës së parë me Asano dhe Schlotterbeck. Dalja me karton të kuq e Upamecanos në minutën e 78-të i dhuroi mundësinë e artë vendasve, të cilët shndërruan në gol një penallti me anë të Stoger. Bavarezët u futën në lojë me Kane, por ishte tepër vonë, pasi fati i ndeshjes ishte vendosur tashmë.
Të besuarit e Tomas Tuchel renditen në vendin e dytë dhe kanë 8 pikë më pak se Leverkusen, duke u larguar kështu në një farë mënyre nga kryesuesit. Bochum ndihet mirë në mesin e tabelës.
