Marrëveshja me Italinë do të kalohet ditën e sotme në Kuvend për t’u votuar.
Sa i takon marrëveshjes me Italinë për emigranten konfirmimi është thuajse i arritur, por nuk mund të thuhet e njëjta gjë për Amnistinë Penale, pasi nuk dihet nëse do sigurojë mjaftueshëm vota.
Maxhoranca ka nevojë për 84 kartona jeshilë për të votuar Amnistinë, ndërsa ditën e djeshme Basha deklaroi se deputetët e grupit të tij nuk do të jenë të pranishëm për të votuar.
Sakaq, këto dy projektligje janë kundërshtuar nga opozita, e cila ka lëshuar dhe akuza në drejtim të qeverisë. Ndërkohë opozita prej disa kohësh nuk ka lejuar që seancat plenare të vijojnë në normalitet, pasi kërkojnë ngritjen e komisioneve hetimore.
